ന്യൂഡല്ഹി: പ്രധാനമന്ത്രി നരേന്ദ്ര മോദി രാജ്യത്തെ അഭിസംബോധന ചെയ്തതിന് തൊട്ടുപിന്നാലെ പാകിസ്ഥാന്റെ ഡ്രോണ് ആക്രമണ ശ്രമം. സാംബയില് 10 മുതല് 12 ഡ്രോണുകള് വരെ ഇന്ത്യയെ ലക്ഷ്യം വച്ചെത്തി എന്നാണ് റിപ്പോര്ട്ടുകള്.
ആക്രമണത്തിന്റെ ദൃശ്യങ്ങളും പുറത്തു വന്നിട്ടുണ്ട്. ഇന്ത്യയുടെ വ്യോമ പ്രതിരോധ സംവിധാനം, ഡ്രോണ് ആക്രമണ ശ്രമം ചെറുത്തു. പഞ്ചാബിലെ ചിലയിടങ്ങളില് ഡ്രോണ് സാന്നിധ്യം ഉണ്ടായിരുന്നെന്നും അമൃത്സറില് സൈറണ് മുഴങ്ങിയെന്നും റിപ്പോര്ട്ടുകളുണ്ട്. പഞ്ചാബിലെ ഹോഷിയാര്പൂര് ഭരണകൂടം സ്ഫോടന ശബ്ദം കേട്ടതായി സ്ഥിരീകരിച്ചു. എന്നാല് ഇതുവരെ പ്രശ്നങ്ങളൊന്നും ഉണ്ടായിട്ടില്ലെന്നും സ്ഥിതിഗതികള് കര്ശനമായി നിരീക്ഷിക്കുന്നുണ്ടെന്നും അധികൃതര് അറിയിച്ചു. കഴിഞ്ഞ 15 മിനിറ്റായി സാംബയിലെ സ്ഥിതിഗതികള് ശാന്തമാണെന്ന് ദേശീയ മാധ്യമങ്ങള് റിപ്പോര്ട്ട് ചെയ്യുന്നു.
വീണ്ടും പാക് പ്രകോപനം; സാംബയില് ഡ്രോണ് ആക്രമണം…
