ന്യൂഡൽഹി : പാക് പോസ്റ്റുകളില് നിന്ന് സൈനികര് പിന്മാറിയതായി റിപ്പോര്ട്ട്. അന്താരാഷ്ട്ര അതിര്ത്തിയിലെ പാക് പോസ്റ്റുകളില് നിന്ന് പാക്കിസ്ഥാന് സൈനികര് പിന്മാറിയെന്നാണ് പുറത്തുവരുന്ന വിവരം.
പല പാക് പോസ്റ്റുകളിലും സുരക്ഷ ഉദ്യോഗസ്ഥര് ഇല്ല. പോസ്റ്റുകള്ക്ക് മുകളിലെ പാക് കൊടികളും മാറ്റിയിട്ടുണ്ട് . പോസ്റ്റുകള് ഒഴിഞ്ഞത് ഇന്ത്യ തിരിച്ചടിക്കും എന്ന റിപ്പോര്ട്ടുകള്ക്ക് പിന്നാലെയാണ് എന്നാണ് ലഭിക്കുന്ന വിവരം.
ഇന്ത്യ-പാക് അതിര്ത്തിയില് സംഘര്ഷം കനക്കുന്നതിനിടെ എക്സ് പോസ്റ്റുമായി ഇന്ത്യന് നാവികസേന രംഗത്തെത്തിയിരുന്നു. ‘ഒരു ദൗത്യവും അകലെയല്ല, പിടിച്ചെടുക്കാനാവാത്ത വിശാലത ഒരു കടലിനുമില്ല’ എന്നാണ് കുറിപ്പ്. എപ്പോഴും ദൗത്യത്തിന് സജ്ജമെന്ന് വ്യക്തമാക്കി നേരത്തെയും നാവികസേന കുറിപ്പ് പങ്കുവെച്ചിരുന്നു. ”ദൗത്യത്തിന് തയ്യാര്, എപ്പോള് വേണമെങ്കിലും എവിടെ വേണമെങ്കിലും എങ്ങനെയായാലും”, എന്നായിരുന്നു ആദ്യത്തെ കുറിപ്പ്. എവിടെയും എപ്പോഴും, ഐക്യമാണ് ശക്തിയെന്നും അവര് വ്യക്തമാക്കിയിരുന്നു.
