ന്യൂദല്ഹി: 2047-ല് വികസിത ഇന്ത്യ എന്ന സ്വപ്നം സാക്ഷാത്ക്കരിക്കുന്ന ബജറ്റാണ് അവതരിപ്പിക്കുകയെന്ന് പ്രധാനമന്ത്രി നരേന്ദ്രമോദി.
വികസിത ഭാരതം എന്നത് ജനപ്രതിനിധികളുടെ മന്ത്രമാകണമെന്നും അദ്ദേഹം പറഞ്ഞു. ബജറ്റ് സമ്മേളനത്തിന് മുന്നോടിയായാണ് പ്രധാനമന്ത്രിയുടെ പ്രതികരണം.
ബജറ്റ് ജനങ്ങള്ക്ക് കൂടുതല് ഊർജ്ജം നല്കും. യുവാക്കള് വികസിത രാജ്യത്തിന്റെ ഗുണഭോക്താക്കളാകുമെന്നും അദ്ദേഹം പറഞ്ഞു. സമ്മേളനത്തിന് മുന്നോടിയായി സമ്ബത്തിന്റെയും സമൃദ്ധിയുടെയും ദേവതയായ മഹാലക്ഷ്മിയെ വണങ്ങുന്നു. രാജ്യത്തെ ദരിദ്രരെയും ഇടത്തരക്കാരെയും മഹാലക്ഷ്മി തുടർന്നു അനുഗ്രഹിക്കട്ടെയെന്ന് പ്രാർഥിക്കുന്നു. ഒരു ജനാധിപത്യ രാജ്യമായി ഇന്ത്യ 75 വർഷം പൂർത്തിയാക്കി എന്നത് അഭിമാനകരമാണ്.
രാജ്യത്തെ ജനങ്ങള് മൂന്നാമതും അവസരം തന്നു. അതില് ആദ്യത്തെ സമ്ബൂര്ണ ബജറ്റാണിത്. പുതിയ ഊര്ജവും പുതിയ വിശ്വാസവും നല്കുന്ന ബജറ്റായിരിക്കും. നിർണായക ബില്ലുകള് ഈ സമ്മേളനത്തിലുണ്ട്. പരിഷ്കാരങ്ങള്ക്ക് ശക്തി പകരുകയാണ് ലക്ഷ്യം. 2047-ല് വികസിത രാജ്യമെന്ന സ്വപ്നം ഇന്ത്യ സാക്ഷാത്ക്കരിക്കും. യുവാക്കള് ഭാവിയില് വികസിത ഇന്ത്യയുടെ ഗുണഭോക്താക്കളാകുമെന്നും പ്രധാനമന്ത്രി കൂട്ടിച്ചേർത്തു.
ബജറ്റ് ജനങ്ങള്ക്ക് പുതിയ ഊര്ജ്ജം പകരും: 2047-ല് വികസിത ഇന്ത്യ എന്ന സ്വപ്നം സാക്ഷാത്ക്കരിക്കും, പ്രധാനമന്ത്രി നരേന്ദ്രമോദി
