പാലാ : മൂന്ന് വ്യത്യസ്ത അപകടങ്ങളിൽ വിദേശ വിനോദസഞ്ചാരി ഉൾപ്പെടെ നാലു പേർക്ക് പരിക്കേറ്റു. ഇവരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു.
ബൈക്കിൽ സഞ്ചരിക്കുന്നതിനിടെ ലോറിയിടിച്ച് ആണ് വിദേശ വിനോദസഞ്ചാരി ജർമനി സ്വദേശി ഹാൻസ് ഡയറ്റ ( 56)ർക്ക് പരിക്കേറ്റത്. ബുധനാഴ്ച്ച വൈകിട്ട് ദേശീയപാതയിൽ പീരുമേട് ഭാഗത്ത് വച്ചാണ് സംഭവം. കൊച്ചിയിൽ നിന്നും ബൈക്കിൽ തേക്കടിയിലേക്ക് വിനോദസഞ്ചാരികൾ സഞ്ചരിച്ച ബൈക്കാണ് അപകടത്തിൽപ്പെട്ടത്.
ആലുവയിൽ ബൈക്കും സ്കൂട്ടറും കൂട്ടിയിടിച്ചുണ്ടായ അപകടത്തിൽ കുന്നോനി സ്വദേശി എബിൻ മാത്യുവി ( 24)നാണ് പരിക്കേറ്റത്.
ബൈക്ക് നിയന്ത്രണം വിട്ട് മറിഞ്ഞാണ് ചങ്ങനാശേരി സ്വദേശികളായ ആനന്ദ് (20) എഴുമാംതുരുത്ത് സ്വദേശി മനു ( 20) എന്നിവർക്ക് പരിക്കേറ്റത്. ഇന്ന് 2മണിയോടെ മുത്തോലി ഭാഗത്ത് വച്ചായിരുന്നു അപകടം.
