തിരുവനന്തപുരം : പ്രമുഖ ഇടത് സൈബർ പേജ് ‘പോരാളി ഷാജിയെ കുറിച്ചുള്ള കൂടുതൽ വിവരങ്ങൾ പുറത്ത്. ലോക്സഭാ തിരഞ്ഞെടുപ്പില് വടകരയില് വിവാദമായ ‘കാഫിര്’ പോസ്റ്റില് പോലീസ് ഹൈക്കോടതിയിൽ സമർപ്പിച്ച റിപ്പോർട്ടിലാണ് പോരാളി ഷാജിയെ കുറിച്ചുള്ള കൂടുതൽ വിവരങ്ങൾ വ്യക്തമാക്കുന്നത്.
പോരാളി ഷാജി’ എന്ന ഫേസ്ബുക്ക് പേജിന് പിന്നില് വഹാബ് എന്ന ആളാണെന്നാണ് പോലീസ് കണ്ടെത്തൽ.പേജിന്റെ വെരിഫിക്കേഷനായി ഉപയോഗിച്ച രണ്ട് മൊബൈല് നമ്പറുകളുടേയും ഉടമ വഹാബ് എന്നയാളാണെന്നും പോലീസ് വ്യക്തമാക്കുന്നു.
ഇത് കൂടാതെ മതവിദ്വേഷം വളര്ത്തുന്ന ‘കാഫിര്’ സ്ക്രീന് ഷോട്ട് പോസ്റ്റ് ആദ്യം എത്തിയത് ‘റെഡ് എന്കൗണ്ടേഴ്സ്’ എന്ന വാട്സാപ്പ് ഗ്രൂപ്പിലാണെന്നും ഇത് ‘അമ്പലമുക്ക് സഖാക്കള്’ എന്ന ഫേസ്ബുക്ക് പേജില് പോസ്റ്റ് ചെയ്തെന്നും പോലീസ് ഹൈക്കോടതിയെ അറിയിച്ചു.
പോരാളി ഷാജി, അമ്പലമുക്ക് സഖാക്കള് എന്നീ ഫേസ്ബുക്ക് പേജുകളില് ഈ സ്ക്രീന് ഷോട്ട് എങ്ങനെ എത്തി എന്നതില് കേന്ദ്രീകരിച്ചായിരുന്നു പോലീസ് അന്വേഷണമത്രയും. റെഡ് ബറ്റാലിയന് എന്നും റെഡ് എന്കൗണ്ടേഴസ് എന്നും പേരുള്ള രണ്ട് വാട്സാപ്പ് ഗ്രൂപ്പുകളില് വന്ന പോസ്റ്റാണ് ഈ ഫേസ്ബുക്ക് പേജുകളില് അതിന്റെ അഡ്മിൻമാർ പോസ്റ്റ് ചെയ്തത്.
