കർണാടകം : ഷിരൂരിൽ മണ്ണിടിഞ്ഞ് വീണ് കാണാതായ കോഴിക്കോട് സ്വദേശിയായ ലോറി ഡ്രൈവർ അർജുനായുള്ള ഇന്നത്തെ തെരച്ചിൽ അവസാനിപ്പിച്ചു. മോശം കാലാവസ്ഥയെ തുടർന്നാണ് തീരുമാനം.നാളെ രാവിലെ 6 30 ഓടുകൂടി രക്ഷാദൗത്യം വീണ്ടും ആരംഭിക്കും. പ്രദേശത്ത് വീണ്ടും മഴ പെയ്തതാണ് തിരച്ചിലിന് തിരിച്ചടിയായത്.അർജുൻ കണ്ടെത്താനായി അത്യാധുനിക റഡാർ ഉപയോഗിച്ചുളള പരിശോധനയാണ് ഇന്ന് നടന്നിരുന്നത്.
അതേസമയം രക്ഷാ പ്രവർത്തനം വേഗത്തിൽ അവസാനിപ്പിച്ചതിനെ തുടർന്ന് അർജുൻ്റെ നാട്ടിൽ നാട്ടുകാരുടെ പ്രതിഷേധം. കോഴിക്കോട് കണ്ണാടിക്കലിൽ നാട്ടുകാർ റോഡിൽ ഇരുന്നു പ്രതിഷേധിക്കുകയാണ്.രക്ഷാ പ്രവർത്തനത്തിൽ കർണാടക തുടരുന്ന അലംഭാവം അവസാനിപ്പിക്കണമെന്നാണ് നാട്ടുകാരുടെ ആവശ്യം.
പ്രതികൂല കാലാവസ്ഥ..അർജുനായുള്ള ഇന്നത്തെ രക്ഷാപ്രവർത്തനം അവസാനിപ്പിച്ചു…പ്രതിഷേധവുമായി നാട്ടുകാർ
