കോട്ടയം: പരിശുദ്ധ ബസേലിയോസ് മാര്ത്തോമ്മാ പൗലോസ് ദ്വിതീയന് ബാവായുടെ മൂന്നാം ഓര്മ്മപ്പെരുന്നാള് സമാപിച്ചു.
ദേവലോകം കാതോലിക്കേറ്റ് അരമന ചാപ്പലില് നടന്ന വിശുദ്ധ മൂന്നിന്മേല് കുര്ബ്ബാനയ്ക്ക് പരിശുദ്ധ ബസേലിയോസ് മാര്ത്തോമ്മാ മാത്യൂസ് തൃതീയന് കാതോലിക്കാ ബാവാ പ്രധാന കാര്മികത്വവും, ഡോ. യൂഹാനോന് മാര് ദീയസ്കോറോസ് മെത്രാപ്പോലീത്താ, എബ്രഹാം മാർ സ്തേഫാനോസ് മെത്രാപ്പോലീത്താ എന്നിവര് സഹകാര്മികത്വവും വഹിച്ചു.
തുടര്ന്ന് അനുസ്മരണ പ്രസംഗവും, കബറിങ്കല് ധൂപ പ്രാര്ത്ഥനയും, പ്രദക്ഷിണവും നടന്നു. മെത്രാപ്പോലീത്താമാര്, നിയുക്ത മെത്രാപ്പോലീത്താമാര്, വൈദികര് അടക്കമുള്ള വന്ജനസമൂഹം പെരുന്നാള് ചടങ്ങുകളില് പങ്കെടുത്തു.
