കുൽഗാം : ജമ്മു കശ്മീരിലെ കുല്ഗാമിലുണ്ടായ ഏറ്റുമുട്ടലില് മൂന്നു ഭീകരരെ സൈന്യം വധിച്ചു.
റെഡ് വാനി മേഖലയില് ഭീകരരുടെ രഹസ്യ സാന്നിധ്യമുണ്ടെന്ന വിവരം ലഭിച്ചതിന്റെ അടിസ്ഥാനത്തില് സൈന്യം തിരച്ചില് ഊര്ജിതമാക്കിയിരുന്നു. അതിനിടെയുണ്ടായ ഏറ്റുമുട്ടലിലാണ് സൈന്യം ഭീകരരെ വധിച്ചത്. പ്രദേശത്ത് സുരക്ഷ ശക്തമാക്കിയിട്ടുണ്ട്. കൂടുതല് ഭീകരര് ഒളിച്ചിരിപ്പുണ്ടോയെന്നറിയാന് സൈന്യം തിരച്ചില് തുടരുകയാണ്.
കഴിഞ്ഞ ദിവസം പൂഞ്ചിൽ സൈനികർ സഞ്ചരിച്ച രണ്ട് വാഹനങ്ങള്ക്കുനേരെ ഭീകരര് വെടിവെച്ചിരുന്നു .വെടിവെപ്പിൽ ഒരു സൈനികൻ വീരമൃത്യു വരിച്ചിരുന്നു. ഇതിനു പിന്നാലെ ഭീകരരെ കണ്ടെത്തുന്നതിനായി സൈന്യം തിരച്ചില് വ്യാപകമാക്കിയിരുന്നു.
