കോട്ടയം : കേന്ദ്ര സര്ക്കാരിന്റെ ഇടപെടലാണ് മോചനം സാദ്ധ്യമാക്കിയതെന്ന് ഇറാന് സൈന്യം പിടിച്ചെടുത്ത ഇസ്രയേല് കപ്പലിലെ ജീവനക്കാരി ആന് ടെസ ജോസഫ് .
അറിയാത്ത ഒരുപാടു പേരുടെ സഹായം കിട്ടി. പെണ്കുട്ടിയെന്ന പരിഗണന കൊണ്ടാവും അവര് എന്നെ ആദ്യം മോചിപ്പിച്ചത്. മലയാളികളടക്കം മറ്റല്ലാവരും സുരക്ഷിതരാണെന്നും തൃശൂര് വെളുത്തൂര് സ്വദേശിനിയായ ആന് പറഞ്ഞു.
ദോഹയില് നിന്നുള്ള വിമാനത്തില് കൊച്ചി അന്താരാഷ്ട്ര വിമാനത്താവളത്തിൽ എത്തിയ ആൻ ടെസയെ. കൊച്ചി റീജിയണല് പാസ്പോര്ട്ട് ഓഫീസര് മിഥുന് ആണ് സ്വീകരിച്ചത്. തുടര്ന്ന് വിമാനത്താവളത്തില് കാത്തുനിന്ന മാതാപിതാക്കളായ ബിജു എബ്രഹാമിനും, ബീന ബിജുവിനുമൊപ്പമാണ് രാത്രി കോട്ടയം കൊടുങ്ങൂരിലെ പുതിയ വീട്ടിൽ ആൻ ടെസ എത്തിയത്.
ഏതാനും ദിവസം മുമ്പാണ് കുടുംബം കൊടുങ്ങൂരിൽ താമസമാക്കിയത്. അവശേഷിക്കുന്ന 16 ഇന്ത്യക്കാരെ മോചിപ്പിക്കാനുള്ള ശ്രമങ്ങളിലാണ് ടെഹ്റാനിലെ ഇന്ത്യന് എംബസിയെന്ന് വിദേശകാര്യമന്ത്രാലയം അറിയിച്ചു.
