കാർ നിയന്ത്രണം വിട്ട് മറിഞ്ഞ് മൂന്നു പേർക്ക് പരിക്ക്

മൂലമറ്റം :  കാർ നിയന്ത്രണം വിട്ട് മറിഞ്ഞ് മൂന്നു പേർക്ക് പരിക്ക് . കുളമാവ് കൊടിയിൽ മോഹനൻ , അമ്മ രമണി, സഹോദരി ജയശ്രീ എന്നിവർക്കാണ് പരിക്കേറ്റത്. ഇവരെ തൊടുപുഴയിലെ ആശുപത്രിയിൽ പ്രവേശിപ്പിച്ചു.

ഇന്ന് രാവിലെ 11 നാണ് അപകടം സംഭവിച്ചത്.  ഗുരുവായൂർ ക്ഷേത്ര ദർശനം  കഴിഞ്ഞ് വന്ന ഇവരുടെ കാർ അറക്കുളം പന്ത്രണ്ടാം മൈലിൽ വച്ചാണ് നിയന്ത്രണം വിട്ട്  മറിഞ്ഞത്.  കാർ ഓടിച്ചിരുന്ന മോഹനൻ ഉറങ്ങി പോയതാണെന്ന് കരുതുന്നു.  ആരുടേയും പരിക്ക് ഗുരുതരമല്ല.