തിരുവനന്തപുരം : അരിയിൽ ഷുക്കൂർ വധക്കേസിൽ പ്രതികൾ ശിക്ഷിക്കപ്പെടും എന്ന് പ്രതീക്ഷിക്കുന്നതായി മന്ത്രി കെ എം ഷാജി.
പി ജയരാജനും ടി വി രാജേഷും ഗൂഢാലോചന നടത്തിയെന്ന് നൂറുശതമാനം ഉറപ്പാണ്. വിധിയെ പ്രതീക്ഷയോടെയാണ് നോക്കിക്കാണുന്നത്. പല സാക്ഷികളെയും സിപിഎം ഭീഷണിപ്പെടുത്തിയിട്ടുണ്ട്. എല്ലാ സാക്ഷികളെയും കൊണ്ടുവരാൻ തീവ്രശ്രമം നടത്തിയിട്ടുണ്ടെന്നും കെ എം ഷാജി വ്യക്തമാക്കി.
റഷ്യൻ യാത്ര ഒഴിവാക്കിയതുമായി ബന്ധപ്പെട്ട ചോദ്യത്തോട്, വാർത്ത ഉണ്ടാക്കിയവർ തന്നെ അതിന്റെ വിശദീകരണം നൽകണമെന്ന് മന്ത്രി മറുപടി നൽകി.
എംഎസ്എഫ് പ്രവർത്തകനായിരുന്ന അരിയിൻ അബ്ദുൾ ഷുക്കൂർ (23) വധക്കേസിൽ കൊച്ചിയിലെ സിബിഐ കോടതി ഇന്ന് വിധി പറയാനിരിക്കെ ആണ് കെ എം ഷാജിയുടെ പ്രതികരണം. സിപിഎം നേതാക്കളായ പി ജയരാജൻ, ടി വി രാജേഷ് ഉൾപ്പെടെ 31 പ്രതികളാണ് കേസിൽ ഉള്ളത്.
