ന്യൂഡൽഹി : ഇന്ത്യന് ചലച്ചിത്ര മേഖലയിലെ പരമോന്നത പുരസ്കാരമായ ദാദാസാഹേബ് ഫാല്ക്കെ പുരസ്കാരം മോഹന്ലാലിന്. 2023 ലെ പുരസ്കാരത്തിനാണ് മോഹന്ലാല് അര്ഹനായത്.
സെപ്തംബര് 23 നടക്കുന്ന ദേശീയ പുരസ്കാര വിതരണ ചടങ്ങില് വെച്ച് പുരസ്കാരം സമ്മാനിക്കും. അടൂർ ഗോപാലകൃഷ്ണന് ശേഷം ദാദാസാഹേബ് പുരസ്കാരം ലഭിക്കുന്ന മലയാളിയാണ് മോഹൻലാൽ.
ഇന്ത്യന് ചലച്ചിത്രത്തിന്റെ പിതാവ് എന്നറിയപ്പെടുന്ന ദാദാസാഹേബ് ഫാല്ക്കെയുടെ സ്മരണാര്ത്ഥം 1969 മുതല് കേന്ദ്രസര്ക്കാര് നല്കുന്ന ഏറ്റവും വലിയ ചലച്ചിത്ര പുരസ്കാരമാണ് ദാദാസാഹേബ് ഫാല്ക്കെ പുരസ്കാരം. 2004ലാണ് അടൂര് ഗോപാലകൃഷ്ണന് ഈ പുരസ്കാരം ലഭിക്കുന്നത്.
മോഹൻലാലിനെ പ്രധാനമന്ത്രി നരേന്ദ്ര മോദി അഭിനന്ദിച്ചു.
