മലപ്പുറം : എടവണ്ണയില് വൻ ആയുധവേട്ട. ഇരുപത് എയർ ഗണ്ണുകളും മൂന്ന് റൈഫിളുകളും വീട്ടില് നിന്ന് കണ്ടെത്തി. 200ലധികം വെടിയുണ്ടകളും 40 പെലറ്റ് ബോക്സും കണ്ടെത്തി.
എടവണ്ണയിലെ വീട്ടില് പൊലീസ് നടത്തിയ പരിശോധനയിലാണ് വൻ ആയുധ ശേഖരം പിടിച്ചെടുത്തത്. വീട്ടുടമസ്ഥൻ ഉണ്ണിക്കമ്മദിനെ പൊലീസ് അറസ്റ്റ് ചെയ്തു.
പൊലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് വീട്ടില് പരിശോധന നടത്തിയത്. ഇത്രയധികം ആയുധങ്ങള് സൂക്ഷിക്കുന്നതിനുള്ള ലൈസൻസ് ഉണ്ണിക്കമദിന് ഇല്ലായിരുന്നു. വീടിന്റെ മുകള് ഭാഗത്ത് നടത്തിയ ആദ്യഘട്ട പരിശോധനയില് ഒരു റൈഫിളും 40 തിരകളും ഒരു ഗണ്ണും കണ്ടെത്തിയിരുന്നു. പിന്നാലെ വീടിന്റെ താഴെ ഭാഗത്ത് ഷട്ടറിട്ട ഭാഗത്ത് നടത്തിയ പരിശോധനയിലാണ് വൻ ആയുധ ശേഖരം കണ്ടെത്തിയത്.
ആയുധങ്ങള് അനധികൃതമായി സൂക്ഷിച്ച് വില്പന നടത്തുകയായിരുന്നു. ഇവ എവിടെ നിന്ന് എത്തിച്ചു എന്ന കാര്യത്തില് കൂടുതല് വ്യക്തത വരേണ്ടതുണ്ട്. കസ്റ്റഡിയില് വാങ്ങി ചോദ്യം ചെയ്യലില് കൂടുതല് വിവരങ്ങള് ലഭിക്കുമെന്നാണ് പൊലീസ് അറിയിച്ചിരിക്കുന്നത്. സംഭവത്തില് പരിശോധന തുടരുമെന്ന് പൊലീസ് പറഞ്ഞു.
മലപ്പുറത്ത് ആയുധവേട്ട; വീട്ടില് നിന്ന് കണ്ടെത്തിയ് 20 എയര് ഗണ്ണുകളും മൂന്ന് റൈഫിളുകളും
