കോട്ടയം ജില്ലയുടെ 50-ാ മത് കളക്ടറായി ചേതൻ കുമാർ മീണ ചുമതലയേറ്റു. രാവിലെ 10ന് കളക്ടറേറ്റിൽ എത്തിയ അദ്ദേഹത്തെ സ്ഥാനമൊഴിയുന്ന കളക്ടർ ജോൺ വി.സാമുവലും മറ്റ് ഉദ്യോഗസ്ഥരും ചേർന്ന് സ്വീകരിച്ചു.
ന്യൂഡൽഹിയിലെ കേരള ഹൗസ് അഡിഷനൽ റസിഡൻ്റ് കമ്മിഷണർ ചുമതല നിർവഹിക്കുകയായിരുന്നു ചേതൻ കുമാർ മീണ.
2018 ബാച്ച് ഉദ്യോഗസ്ഥനാണ്. രാജസ്ഥാനിലെ ദോസ ജില്ലക്കാരനാണ്. പാലക്കാട് അസി. കളക്ടർ ആയിട്ടായിരുന്നു തുടക്കം. നെടുമങ്ങാട് സബ് കളക്ടർ, എറണാകുളം ഡിസ്ട്രിക്ട് ഡവലപ്മെൻ്റ് കമ്മിഷണർ, സാമൂഹിക നീതി വകുപ്പ് ഡയറക്ടർ എന്നീ ചുമതലകളിൽ പ്രവർത്തിച്ചിട്ടുണ്ട്.
ജലഗതാഗത വകുപ്പ് ഡയറക്ടറായാണ് നിലവിലെ കലക്ടർ ജോൺ വി.സാമുവലിന് മാറ്റം.
ചേതൻ കുമാർ മീണ കോട്ടയം കളക്ടറായി ചുമതലയേറ്റു
