ശ്രീനഗർ : ജമ്മു കശ്മീരിലെ പഹൽഗാമിൽ ഇന്നലെയുണ്ടായ ഭീകരാക്രമണത്തില് പാക്കിസ്ഥാൻ്റെ പങ്ക് വ്യക്തമായതോടെ തക്കതായ മറുപടി നൽകാൻ കേന്ദ്രം. നിരപരാധികളായ 26 ജീവനുകൾ ഇല്ലാതാക്കിയ ക്രൂരതയോട് കടുത്ത നടപടികളിലൂടെയാണ് മറുപടി.
പാക്കിസ്ഥാ നുമായുള്ള നയതന്ത്ര സഹകരണം അവസാനിപ്പിച്ചേക്കുമെ ന്നാണ് കേന്ദ്രസർക്കാർ വൃത്തങ്ങളിൽ നിന്നുള്ള സൂചന. പാക്കിസ്ഥാൻ്റെ തലസ്ഥാനമായ ഇസ്ലമാബാദിലെ ഇന്ത്യൻ ഹൈക്കമ്മീഷൻ കാര്യാലയത്തിൻ്റെ പ്രവർത്തനം നിർത്തിയേക്കും. ഒപ്പം സിന്ധു നദീജല കരാർ റദ്ദാക്കിയേക്കുമെന്നും റിപ്പോർട്ടുകൾ പുറത്തുവരുന്നു.
അതേസമയം, ആക്രമണം നടത്തിയ നാല് ടിആർഎഫ് ഭീകരരുടെ ചിത്രം പുറത്ത് വിട്ടിട്ടുണ്ട് . ഭീകരാക്രമണം നടന്ന സ്ഥലം കേന്ദ്ര ആഭ്യന്തരമന്ത്രി അമിത് ഷാ സന്ദര്ശിച്ചു. കൊല്ലപ്പെട്ടവരുടെ മൃതദേഹങ്ങൾക്ക് മുന്നിൽ അദ്ദേഹം ആദരം അർപ്പിച്ചു. ലഷ്ക്കര് ഇ തയ്ബ ഉപമേധാവി സൈഫുള്ള കസൂരിയുടെ നേതൃത്വത്തില് പാകിസഥാനില് നിന്നായിരുന്നു ഓപ്പേറഷന്.
ആസിഫ് ഫൗജി, സുലൈമാന് ഷാ, അബു തല്ഹ എന്നീ ഭീകരരുടെ ചിത്രങ്ങള് ജമ്മു കശ്മീര് പോലീസ് പുറത്ത് വിട്ടു. കശ്മീരിലെ തന്നെ ബിജ് ബഹേര, ത്രാല് എന്നിവിടങ്ങളില് നിന്നുള്ള രണ്ട് പേരും സംഘത്തിലുണ്ട്. 2017ല് പാകിസ്ഥാനിലേക്ക് പോയി ഭീകരപ്രവര്ത്തനത്തിന്റെ ഭാഗമായവരാണെന്നാണ് വിവരം.
