തിരുവനന്തപുരം: സെക്രട്ടേറിയറ്റിന് മുന്നിൽ ആശ വർക്കർമാർ നടത്തുന്ന സമരത്തിൽ പ്രതികരണവുമായി മുഖ്യമന്ത്രി പിണറായി വിജയൻ. ആശ വര്ക്കര്മാരെ കേന്ദ്രസര്ക്കാര് ഒരു തൊളിലാളി വിഭാഗമായി അംഗീകരിച്ചിട്ടില്ലെന്ന് മുഖ്യമന്ത്രി പറഞ്ഞു.
കേന്ദ്രസര്ക്കാര് പ്രഖ്യാപിക്കുമ്പോള് ഉണ്ടായിരുന്ന അതേ ഇന്സെന്റീവ് തന്നെയാണ് ആശമാര്ക്ക് ഇന്നും കേന്ദ്രസര്ക്കാര് നല്കുന്നത്. എന്നാല് കേരളം ആശമാര്ക്ക് മികച്ച ഓണറേറിയം നല്കി. ഏറ്റവും കൂടുതല് തുക നല്കുന്ന സംസ്ഥാന സര്ക്കാരിനെതിരായാണോ ഇതുവരേയും ഇന്സെന്റീവ് ഉയര്ത്താത്ത കേന്ദ്രത്തിനെതിരായാണോ സമരം ചെയ്യേണ്ടതെന്നും മുഖ്യമന്ത്രി ചോദിച്ചു.
