എഞ്ചിനീയറിംഗ് വിദ്യാർത്ഥി ട്രെയിനിൽ നിന്ന് വീണു മരിച്ചു…

തിരുവനന്തപുരം : എഞ്ചിനീയറിംഗ് വിദ്യാർത്ഥി മുരുക്കുംപുഴ കോഴിമട ക്ഷേത്രത്തിന് സമീപം റെയിൽവേ പാളത്തിന് സമീപം ട്രെയിനിൽ നിന്ന് വീണു മരിച്ചു.

മുട്ടത്തറ സ്വീവേജ് ഫാമിനടുത്ത് വലിയതുറ സുജിത്ത് ഭവനിൽ സുജിത്ത് (20) ആണ് മരിച്ചത്.മലപ്പുറത്ത് എഞ്ചിനീയറിങ് കോളെജിലെ മൂന്നാം വർഷ ബിടെക് വിദ്യാർഥിയാണ്.

ശനിയാഴ്ച രാത്രി 9.45 ന് കൊച്ചുവേളിയിൽ നിന്നുള്ള തീവണ്ടിയിലാണ് സുജിത്ത് മലപ്പുറത്തേയ്ക്ക് പോയത്. മൃതദേഹം മെഡിക്കൽ കോളെജ് ആശുപത്രി മോർച്ചറിയിലേക്ക് മാറ്റി. സംഭവത്തിൽ മംഗലപുരം പോലീസ് കേസെടുത്തു.