കൊച്ചി : കേരള ന്യൂസ്‌പേപ്പര്‍ എംപ്ലോയീസ് ഫെഡറേഷന്‍ (കെഎന്‍ഇഎഫ്) സ്ഥാപക നേതാവായിരുന്ന എസ്. അനന്തകൃഷ്ണന്റെ സ്മരണാര്‍ത്ഥം കെഎന്‍ഇഎഫ് സംസ്ഥാന കമ്മിറ്റി ഏര്‍പ്പെടുത്തിയിരിക്കുന്ന അനന്തകൃഷ്ണന്‍ എന്‍ഡോവ്‌മെന്റ് വിതരണം ഇന്ന് എറണാകുളം ചങ്ങമ്പുഴ പാര്‍ക്കില്‍ നടക്കും.
പത്താംക്ലാസില്‍ ഉന്നതവിജയം നേടിയ പത്രജീവനക്കാരുടെ മക്കള്‍ക്കാണ് എന്‍ഡോവ്‌മെന്റ് ഏര്‍പ്പെടുത്തിയിരി ക്കുന്നത്. രാവിലെ 10.30ന് ആരംഭിക്കുന്ന സമ്മേളനം വ്യവസായമന്ത്രി പി. രാജീവ് ഉദ്ഘാടനം ചെയ്യും. സംസ്ഥാന പ്രസിഡന്റ് വി.എസ്. ജോണ്‍സണ്‍ അധ്യക്ഷനാവും. ടി.ജെ. വിനോദ് എംഎല്‍എ മുഖ്യപ്രഭാഷണവും എഐഎന്‍ഇഎഫ് ജനറല്‍ സെക്രട്ടറി വി. ബാലഗോപാല്‍ അനന്തകൃഷ്ണന്‍ അനുസ്മരണ പ്രഭാഷണവും നടത്തും.
കെഎന്‍ഇഎഫ് ജനറല്‍ സെക്രട്ടറി ജയിസണ്‍ മാത്യു, ട്രഷറര്‍ ജമാല്‍ ഫൈറൂസ്, സംസ്ഥാന വൈസ് പ്രസിഡന്റ് ആര്‍. രാധാകൃഷ്ണന്‍, കെയുഡബ്ല്യുജെ ജില്ലാ പ്രസിഡന്റ് ആര്‍. ഗോപകുമാര്‍, എന്‍.ജെ.പി.യു ജില്ലാ പ്രസിഡന്റ് എം.ജെ. ബല്‍ത്തസര്‍, കെഎന്‍ഇഎഫ് ജില്ലാ പ്രസിഡന്റ് കെ.ആര്‍. ഗിരീഷ്‌കുമാര്‍, സെക്രട്ടറി എം.റ്റി. വിനോദ്കുമാര്‍ എന്നിവര്‍ പ്രസംഗിക്കും.
