മലപ്പുറം: കരിപ്പൂര് എയര്പോര്ട്ട് കേന്ദ്രീകരിച്ച് നടക്കുന്ന സ്വര്ണ്ണക്കടത്തില് പിടികൂടപ്പെടുന്നവരില് മഹാഭൂരിപക്ഷവും മുസ്ലിം സമുദായത്തില് പെടുന്നവരാണെന്ന് മുന്മന്ത്രി കെ ടി ജലീല്. അതിനെ അഭിമുഖീകരിക്കാതെ എന്ത് പരിഷ്കരണവും പുരോഗതിയുമാണ് മുസ്ലിം സമുദായത്തില് നടത്താന് ‘മലപ്പുറം പ്രേമികള്’ ഉദ്ദേശിക്കുന്നതെന്ന് കെടി ജലീല് ഫെയ്സ്ബുക്ക് കുറിപ്പില് ചോദിച്ചു
സ്വര്ണ്ണക്കടത്തിലും ഹവാലയിലും പങ്കാളികളാകുന്ന മുസ്ലിങ്ങളില് നല്ലൊരു ശതമാനവും വിശ്വസിക്കുന്നത് ‘ഇതൊന്നും മതവിരുദ്ധമല്ല’ എന്നാണ്. അത്തരക്കാരെ ബോധവല്ക്കരിക്കാന് ഖാളിമാര് തയ്യാറാകണമെന്ന് പറഞ്ഞാല് അതെങ്ങിനെയാണ് ‘ഇസ്ലാമോഫോബിക്ക്’ ആവുക? അവനവന്റെ കണ്ണിലെ കുന്തം കാണാതെ ആരാന്റെ കണ്ണിലെ കരട് കാണുന്നവരെ കുറിച്ച് സമൂഹത്തിന് പുച്ഛമാണുണ്ടാവുക.
സ്വര്ണ്ണക്കള്ളക്കടത്ത് മതവിരുദ്ധമാണെന്ന് പറയാന് ഖാളിമാര് തയ്യാറാവണമെന്ന് അഭിപ്രായപ്പെട്ടപ്പോള് എന്തിനാണിത്ര ഹാലിളക്കം?. സ്വര്ണ്ണക്കടത്തുകാര് വഴിയും ഹവാലക്കാര് വഴിയും വിദേശത്തുനിന്ന് കിട്ടുന്ന പണം ‘ഏതെങ്കിലുമാളുകള്’ നാട്ടിലെത്തിക്കുന്നത് പുറത്തറിയുമെന്ന ഭീതി ആര്ക്കെങ്കിലുമുണ്ടോ?. എല്ലാറ്റിനേയും മതത്തിന്റെ കണ്ണാടിയിലൂടെ മുടിനാരിഴകീറി പരിശോധിക്കുന്നവര് സ്വര്ണ്ണക്കടത്തും ഹവാലയും മതവിരുദ്ധമാണെന്ന് പ്രഖ്യാപിക്കാന് തയ്യാറാകാത്തതിന്റെ ‘ഗുട്ടന്സ്’ ബുദ്ധിയുള്ളവര്ക്ക് തിരിയും!. കെ ടി ജലീല് ഫെയ്സ്ബുക്കില് കുറിച്ചു.
