അടിമാലി : ഇടുക്കി ജില്ലയിലെ ആദ്യ ടോള് പ്ലാസ മൂന്ന് ദിവസത്തിനുള്ളില് വാഹനങ്ങളില് നിന്ന് പണം ഈടാക്കി തുടങ്ങും. കൊച്ചി – ധനുഷ്കോടി ദേശീയപാത 85ലാണ് മൂന്നാര്, ദേവികുളത്തിനും ഗ്യാപ്പ് റോഡിനും ഇടയിലുള്ള ടോള്പ്ലാസ നിര്മിച്ചിരിക്കുന്നത്.
ആന്ധ്രയില് നിന്നുള്ള കമ്പനിയാണ് ടോള് പിരിവിന് അനുമതി ലേലത്തില് പിടിച്ചിട്ടുള്ളത്. ദേശീയപാതയില്പ്പെട്ട മൂന്നാര് ബോഡിമിട്ട് ഭാഗത്തെ 41.78 കിലോമീറ്റര് ആണ്. 371.83 കോടി രൂപ ചെലവിട്ട് റോഡ് നിര്മാണം നേരത്തെ പൂര്ത്തിയായിരുന്നെങ്കിലും സാങ്കേതിക പ്രശ്നങ്ങളും റോഡ് നിര്മാണത്തെ തുടര്ന്ന് ഭൂമിയും വീടും നഷ്ടപ്പെട്ട പ്രദേശവാസികളുടെ എതിര്പ്പും കാരണം ടോൾ പ്രവര്ത്തനം ആരംഭിക്കുവാന് സാധിച്ചിരുന്നില്ല.
ടോള് പ്ലാസയുടെ 20 കിലോമീറ്റര് ചുറ്റളവില് താമസിക്കുന്ന വാണിജ്യേതര വാഹനങ്ങളുടെ ഉടമസ്ഥര്ക്ക് 340 രൂപയ്ക്ക് പ്രതിമാസ പാസ് എടുത്ത് സഞ്ചരിക്കുവാന് അനുമതിയുണ്ട്.
ടോള് നിരക്കുകള്
കാര്, ജീപ്പ്, മറ്റ് ചെറുവാഹനങ്ങള് :
ഒരു വശത്തേക്ക് 35 രൂപ, ഇരുവശങ്ങളിലേക്കും 55 രൂപ, പ്രതിമാസം ഇരുവശങ്ങളിലേക്കും 50 യാത്രകള്ക്ക് 1225 രൂപ
മിനി ബസ്: ഒരു വശത്തേക്ക് 60 രൂപ, ഇരുവശങ്ങളിലേക്കും 90 രൂപ, പ്രതിമാസം 1980 രൂപ.
ബസ്, ട്രക്ക്: ഒരു വശത്തേക്ക് 125 രൂപ, ഇരുവശങ്ങളിലേക്കും 185 രൂപ,
പ്രതിമാസം 4150 രൂപ.
ഭാരവാഹനങ്ങള്ക്ക്: ഒരു വശത്തേക്ക് 195 രൂപ, ഇരുവശങ്ങളിലേക്കും 295 രൂപ, പ്രതിമാസം 6505 രൂപ.
ഏഴില് കൂടുതല് ആക്സിലുള്ള വാഹനങ്ങള്ക്ക്: ഒരു വശത്തേക്ക് 240 രൂപ, ഇരുവശങ്ങളിലേക്കും 355, പ്രതിമാസം 7920 രൂപ.
