ബാഗ്പത് : ആറ് വയസ്സുകാരിയെ ബലാത്സംഗം ചെയ്യാനുള്ള ശ്രമം ഒരു കൂട്ടം കുരങ്ങന്മാർ പരാജയപ്പെടുത്തി. ഉത്തർപ്രദേശിലെ ബാഗ്പത്തിലാണ് ഞെട്ടിക്കുന്ന സംഭവം. അക്രമയില്‍ നിന്ന് രക്ഷപ്പെട്ട യുകെജി വിദ്യാർത്ഥിനി, പിന്നീട് തൻ്റെ ദുരനുഭവം മാതാപിതാക്കളോട് പറയുകയായിരുന്നു. കുരങ്ങന്മാർ തന്നെ രക്ഷിക്കുകയായിരുന്നുവെന്ന് കുട്ടി രക്ഷിതാക്കളോട് പറഞ്ഞു.
സെപ്റ്റംബർ 20 ന് ബാഗ്പത്തിലെ ദൗല ഗ്രാമത്തിലാണ് സംഭവം. പോക്‌സോ നിയമ പ്രകാരം പ്രതിക്കെതിരെ പൊലീസ് കേസെടുത്തിട്ടുണ്ട്. എന്നാല്‍ പ്രതി ഇപ്പോൾ ഒളിവിലാണ്. ഇയാളെ പിടികൂടാനുള്ള തിരച്ചിൽ ഊർജിതമാണെന്ന് പൊലീസ് മാധ്യമങ്ങളോട് പറഞ്ഞു.
ആളൊഴിഞ്ഞ വീട്ടിലേക്ക് കുട്ടിയെ എത്തിക്കുകയും പീഡിപ്പിക്കുവാൻ ശ്രമിക്കുകയുമായിരുന്നു. ഇതിനിടെ കുരങ്ങന്മാർ എത്തി പ്രതിയെ ആക്രമിച്ചു. ഇതോടെ ഭയന്നുപോയ പ്രതി കുട്ടിയെ ഉപേക്ഷിച്ച് ഓടി രക്ഷപ്പെടുകയായിരുന്നു.
ആറു വയസുകാരിയെ പീഡിപ്പിക്കാൻ ശ്രമം; രക്ഷകരമായി കുരങ്ങുകൂട്ടം
