കോട്ടയം : വളരെ സമാധാനപരാമയി നടക്കുന്ന വിദ്യാഭ്യാസ മേഖലയെ കലാപ മേഖലയാക്കി മാറ്റാന് പോപ്പുലര് ഫ്രണ്ട് ഉള്പ്പെടെയുള്ള തീവ്രവാദസംഘടനകള് ശ്രമിക്കുന്നത് വളരെ സങ്കടകരവും വേദനാജനകവും പ്രതിഷേധാത്മകവുമാണെന്ന് ബിജെപി നേതാവ് പി സി ജോര്ജ് പറഞ്ഞു. കഴിഞ്ഞ ദിവസം മൂവാറ്റുപുഴ നിര്മല കേളേജില് നടന്ന സംഭവത്തെ എങ്ങനെ ന്യായീകരിക്കാന് സാധിക്കുമെന്നും അദ്ദേഹം ചേദിച്ചു.
നിര്മല കേളേജില് നിസ്കരിക്കാന് സൗകര്യം വേണമെന്നാണ് അവര് ഉന്നയിക്കുന്ന ആവശ്യം. എന്നാല് കോളേജിന് ചുറ്റും ദേവാലങ്ങള് ഉണ്ട്. ഏത് മുസ്ലിം മാനേജ്മെന്റ് കോളേജിലാണ് മറ്റു മതസ്ഥര്ക്ക് പ്രാര്ത്ഥിക്കാനുള്ള പള്ളിയും ക്ഷേത്രങ്ങളുമുള്ളത്. പാകിസ്ഥാനാണ് നമ്മുടെ രാജ്യം എന്ന് പറയുന്ന വിഘടനവാദികള്, കേരളത്തില് കേന്ദ്ര സര്ക്കാറിന്റെ നയത്തിന് വിരുദ്ധമായി കുറേയേറെ ആളുകളുണ്ടെന്നത് കോണ്ട് റൗഡിസത്തിലേക്ക് അവര് നീങ്ങുകയാണ് ഇത് വലിയ ആപത്തിലേക്കാണ് പോവുന്നത്. അത് അവസാനിപ്പിക്കാന് മുസ്ലിം മത നേതൃത്വം തന്നെ മുന്കൈ എടുത്തില്ലെങ്കില് കേരളത്തിലെ സമാധാനപരമായ മത സൗഹാര്ദ്ദ അന്തരീക്ഷം തകര്ക്കപ്പെടുമെന്നും അദ്ദേഹം കൂട്ടിചേര്ത്തു. കേരളത്തിലെ ഹൈന്ദവ സ്കൂളുകളിലോ ക്രിസ്തീയ വിദ്യഭ്യാസ സ്ഥാപനങ്ങളിലോ ഏതെങ്കിലുമൊരു മതവിഭാഗത്തിന് പ്രത്യേകമായി ആരാധന സൗകര്യം നല്കാന് സാധിക്കില്ലെന്നും പി സി ജോര്ജ് പറഞ്ഞു.
കലാലയങ്ങളില് മതസൗഹാര്ദ്ദ അന്തരീക്ഷം
തകര്ക്കാനുള്ള ശ്രമം അംഗീകരിക്കാനാവില്ല: പി സി ജോര്ജ്
