മാന്നാര് : വിവാഹാലോചനയില് നിന്ന് യുവതി പിന്മാറിയതിനെ തുടര്ന്ന് വീട് കയറി ആക്രമണം. 5 പേര്ക്ക് വെട്ടേറ്റു.
കാരാഴ്മ മൂശാരിപ്പറമ്പില് റാഷുദ്ദീന്, ഭാര്യ നിര്മ്മല, മകന് സുജിത്ത്, മകള് സജിന, റാഷുദ്ദീന്റെ സഹോദരി ഭര്ത്താവ് ബിനു എന്നിവര്ക്കാണ് വെട്ടേറ്റത്.
ഗുരുതരമായി പരിക്കേറ്റ റാഷുദ്ദീനെയും മകള് സജിനയെയും കോട്ടയം മെഡിക്കല് കോളേജിലേക്ക് മാറ്റി. മറ്റുള്ളവരെ മാവേലിക്കര ജില്ലാ ശുപത്രിയിലും പ്രവേശിപ്പിച്ചു.
ചെന്നിത്തല കാരാഴ്മയില് ഇന്നലെ രാത്രി 10 മണിയോടെയാണ് സംഭവം. സംഭവത്തില് പ്രതി രഞ്ജിത്ത് രാജേന്ദ്രനെ മാന്നാര് പൊലീസ് അറസ്റ്റ് ചെയ്തു.
സജ്നയുടെ ഭര്ത്താവ് മരിച്ചതിന് ശേഷം പുനര് വിവാഹാലോചന നടക്കുന്നതിനിടെയാണ് കുടുംബം പ്രതി രഞ്ജിത്തിനെ പരിചയപ്പെടുന്നത്. എന്നാല് ഇയാളുടെ സ്വഭാവദൂഷ്യം മനസിലായതോടെ റാഷുദീനും മകളും വിവാഹത്തില് നിന്ന് പിന്മാറി.
ഇതിനിടെ സജ്ന കുവൈറ്റില് നഴ്സിങ് ജോലിക്കായി പോയി. രണ്ട് വര്ഷത്തിന് ശേഷം ഇന്നലെ സജ്ന നാട്ടില് തിരിച്ചെത്തി.
എന്നാല് താനുമായുള്ള വിവാഹത്തിന് സജ്നയും വീട്ടുകാരും തയ്യാറല്ലെന്ന് അറിഞ്ഞതോടെ പ്രതി ആക്രമണം ആസൂത്രണം ചെയ്യുകയായിരുന്നു.
ഇന്നലെ രാത്രി പത്ത് മണിയോടെ സജ്നയുടെ വീട്ടിലെത്തി. ആദ്യം വെട്ടുകത്തി കൊണ്ട് സജ്നയെ മാരകമായി വെട്ടിപ്പരുക്കേല്പ്പിച്ചു.
ഈ സമയം പിതാവ് റാഷുദീനും സഹോദരീ ഭര്ത്താവ് ബിനുവും ഓടിയെത്തി കത്തി പിടിച്ചുമാറ്റി. പ്രതിയുടെ കയ്യില് മൂര്ച്ചയേറിയ മറ്റൊരു ആയുധം കൂടിയുണ്ടായിരുന്നു. ഇതുപയോഗിച്ചാണ് സജ്നയുടെ മാതാവ് നിര്മലയുള്പ്പെടെ നാല് പേരെയും രഞ്ജിത്ത് ആക്രമിച്ചത്.
ചെന്നിത്തലയില് വീട് കയറി ആക്രമണം; യുവതിയടക്കം 5 പേര്ക്ക് വെട്ടേറ്റു
