തൃശൂര്: തൃശൂര് പൂരത്തിനോടനുബന്ധിച്ച് ഏപ്രില് 19ന് തൃശൂര് താലൂക്ക് പരിധിയില് അവധി പ്രഖ്യാപിച്ച് ജില്ല കളക്ടര്. മുന്നിശ്ചയിച്ച പൊതുപരീക്ഷകള്ക്കും കേന്ദ്ര- സംസ്ഥാന സ്ഥാപനങ്ങളിലേക്കുള്ള പരീക്ഷകള്ക്കും അവധിയായിരിക്കുമെന്ന് ജില്ലാ കളക്ടര് അറിയിച്ചു.
36 മണിക്കൂര് മദ്യനിരോധനം
തൃശൂര് പൂരത്തോടനുബന്ധിച്ച് കോര്പറേഷന് പരിധിയില് 36 മണിക്കൂര് മദ്യനിരോധനം ഏര്പ്പെടുത്തി. ഏപ്രില് 19 പുലര്ച്ചെ രണ്ടു മണി മുതല് 20ന് ഉച്ചയ്ക്ക് രണ്ടുവരെ തൃശൂര് കോര്പറേഷന് പരിധിയില് ഉള്പ്പെട്ട എല്ലാ മദ്യവില്പനശാലകളും കള്ള് ഷാപ്പ്, ബിയര് ആന്ഡ് വൈന് പാര്ലറുകള്, ബാര് എന്നിവ പൂര്ണമായും അടച്ചിടുന്നതിനും മദ്യം, മറ്റു ലഹരി വസ്തുക്കളുടെ വില്പനയും നിരോധിച്ച് ജില്ലാ കളക്ടര് ഉത്തരവിട്ടു.
നേരത്തെ തൃശൂര് താലൂക്ക് പരിധിയില് ഏര്പ്പെടുത്തിയ മദ്യനിരോധന ഉത്തരവാണ് തൃശൂര് കോര്പറേഷന് പരിധിയില് എന്നാക്കി ഭേദഗതി ചെയ്തത്.
