കൊച്ചി: മദ്യലഹരിയിൽ കെഎസ്ആർടിസി ബസ് തടഞ്ഞുനിർത്തി യുവാവിന്റെ പരാക്രമം.
ബസ് ജീവനക്കാരെയും യാത്രക്കാരെയും ചീത്തവിളിക്കുകയും അതിക്രമത്തിന് മുതിരുകയും ചെയ്ത സംഭവത്തിൽ ഇടക്കൊച്ചി സ്വദേശി അലക്സാണ്ടർക്കെ തിരെ എറണാകുളം സെൻട്രൽ പൊലിസ് കേസ് രജിസ്റ്റർ ചെയ്തു.
വ്യാഴാഴ്ച രാത്രിയായിരുന്നു സംഭവം.
നഗരത്തിലൂടെ വന്ന ബസ് തടഞ്ഞുനിർത്തിയ ഇയാൾ, യാതൊരു കാരണവുമില്ലാതെ ഡ്രൈവറോടും കണ്ടക്ടറോടും മോശമായി പെരുമാറുകയായിരുന്നു.
ഇതു ചോദ്യം ചെയ്ത യാത്രക്കാരെയും ഇയാൾ അധിക്ഷേപിച്ചു. തുടർന്ന് സ്ഥലത്തുണ്ടായിരുന്ന ഓട്ടോറിക്ഷാ തൊഴിലാളികളും നാട്ടുകാരും ചേർന്ന് ഇയാളെ പിന്തിരിപ്പിക്കാൻ ശ്രമിച്ചെങ്കിലും ഇവർക്കു നേരെയും അലക്സാണ്ടർ അക്രമം അഴിച്ചുവിടുകയായിരുന്നു.
മദ്യലഹരിയിൽ കെഎസ്ആർടിസി ബസ് തടഞ്ഞുനിർത്തി പരാക്രമം; യുവാവിനെതിരെ കേസ്
