തിരുവനന്തപുരം : മധ്യേഷ്യന് സംഘര്ഷം കണക്കിലെടുത്ത് ഗള്ഫിലെ എസ്എസ്എല്സി, പ്ലസ് ടു പരീക്ഷകള് മാറ്റി. വ്യാഴാഴ്ചത്തെ എസ്എസ്എല്സി പരീക്ഷയാണ് മാറ്റിയത്. ഈ മാസം 5, 6, 7 തീയതികളിലെ പ്ലസ് ടു പരീക്ഷകളും മാറ്റിയിട്ടുണ്ട്. പുതുക്കിയ പരീക്ഷാ തീയതി പിന്നീട് അറിയിക്കുമെന്ന് മന്ത്രി വി ശിവന്കുട്ടി പറഞ്ഞു.
ഗള്ഫിലും കേരളത്തിലും പരീക്ഷ സെന്ററുകളില് എത്തിച്ചേരാനാകാതെ, പരീക്ഷ എഴുതാന് കഴിയില്ല എന്ന ആശങ്കയില് ചില വിദ്യാര്ത്ഥികള് കഴിയുന്നുണ്ടെന്ന് വിദ്യാഭ്യാസ വകുപ്പ് മനസ്സിലാക്കുന്നു. പൊതു വിദ്യാഭ്യാസവകുപ്പ് അവര്ക്കൊപ്പമുണ്ട്. പരീക്ഷ എഴുതാന് കഴിയാത്ത വിദ്യാര്ത്ഥികള് എത്രയും വേഗം പ്രഥമാധ്യാപകര് വഴി പൊതു വിദ്യാഭ്യാസ ഡയറക്ടര്ക്ക് അപേക്ഷ സമര്പ്പിക്കേണ്ടതാണെന്നും മന്ത്രി പറഞ്ഞു.
ഗൾഫിലെ എസ്എസ്എല്സി, പ്ലസ് ടു പരീക്ഷകള് മാറ്റി; പുതുക്കിയ തീയതി പിന്നീട്…
