കൊച്ചി: ബലാത്സംഗക്കേസില് റാപ്പര് വേടന് അറസ്റ്റില്. തൃക്കാക്കര പൊലീസ് ആണ് വേടനെ അറസ്റ്റ് ചെയ്തത്. തൃക്കാക്കര എസിപിയുടെ നേതൃത്വത്തിൽ ഉളള ചോദ്യം ചെയ്യലിന് പിന്നാലെ ആയിരുന്നു അറസ്റ്റ്.
വേടനെതിരെ ഡിജിറ്റല് തെളിവുകള് അടക്കം ലഭിച്ചിട്ടുണ്ടെന്ന് പൊലീസ് അറിയിച്ചു. മുന്കൂര് ജാമ്യമുളളതിനാല് വൈദ്യ പരിശോധനയ്ക്ക് ശേഷം വേടനെ ജാമ്യത്തിൽ വിട്ടയച്ചു. വിവാഹ വാഗ്ദാനം നല്കി അഞ്ചുതവണ പീഡിപ്പിച്ചെന്ന് ആയിരുന്നു വേടനെതിരെ യുവ ഡോക്ടറുടെ പരാതി.
എറണാകുളം സെന്ട്രല് പൊലീസ് രജിസ്റ്റര് ചെയ്ത ബലാത്സംഗക്കേസില് കഴിഞ്ഞ ദിവസം വേടന് കോടതി മുൻകൂർ ജാമ്യം അനുവദിച്ചിരുന്നു. എറണാകുളം അഡീഷണല് സെഷന്സ് കോടതിയാണ് മുന്കൂര് ജാമ്യം അനുവദിച്ചത്.
