പാലാ: നിയന്ത്രണം വിട്ട ലോറി റോഡരികിലെ തെങ്ങിലും വൈദ്യുതിത്തൂണിലും ഇടിച്ചുണ്ടായ അപകടത്തില്‍ ലോറി ഡ്രൈവര്‍ മരിച്ചു. ചിങ്ങവനം ചാന്നാനിക്കാട് പ്ലാംപറമ്പില്‍ ചാക്കോയാണ് മരിച്ചത്.
പാലാ-തൊടുപുഴ റോഡില്‍ പയപ്പാറില്‍ തിങ്കളാഴ്ച്ച ഉച്ചയ്ക്ക് 12.30ഓടെയായിരുന്നു സംഭവം. ചിങ്ങവനം എഫ്‌സിഐ ഗോഡൗണില്‍ നിന്ന് അരിയുമായി അറക്കുളത്തേക്ക് പോവുന്നതിനിടയിലാണ് അപകടമുണ്ടായത്.
ലോറി ഇടിച്ചു കയറി മഞ്ഞക്കുന്നേല്‍ മാത്തുക്കുട്ടിയുടെ വീടിന്റെ മതിലും തകര്‍ന്നു. ലോറിയുടെ മുന്‍ഭാഗം പൂര്‍ണ്ണമായും തകര്‍ന്ന നിലയിലാണ്. ലോറി ഡ്രൈവര്‍ ചാക്കോയെ നാട്ടുകാരും പോലീസും ചേര്‍ന്ന് ആശുപത്രിയിലെത്തിച്ചെങ്കിലും രക്ഷിക്കാനായില്ല.
