തിരുവല്ല : അമേരിക്കയിലെ ടെക്സസിലുണ്ടായ വാഹനാപകടത്തിൽ പരിക്കേറ്റ് ചികിത്സയിലിരിക്കെ കഴിഞ്ഞ ദിവസം അന്തരിച്ച ബിലീവേഴ്സ്‌ ഈസ്റ്റേൺ ചർച്ച് അധ്യക്ഷൻ അത്തനാസിയോസ് യോഹാൻ മെത്രാപ്പോലിത്തയുടെ കബറടക്കം ബീലിവേഴ്സ് ചർച്ച് ആസ്ഥാനമായ തിരുവല്ല കുറ്റപ്പുഴയിലെ കത്തീഡ്രലിൽ നടക്കും.
അടുത്ത ആഴ്ച അവസാനത്തോടെ ആവും കബറടക്കം. സഭയുടെ ചെന്നൈ അതിഭദ്രാസനാധിപൻ സാമുവേൽ മാർ തിയോഫിലോസിൻ്റെ നേതൃത്വത്തിൽ ആവും കബറടക്ക ശുശ്രൂഷകൾ നടക്കുക.
ഭൗതികശരീരം ഇന്ത്യയിലേക്ക് കൊണ്ടുവരുന്നതിനുള്ള ക്രമീകരണങ്ങൾ പുരോഗമിക്കുകയാണ്. ഇന്ന് വൈകുന്നേരത്തോടെ ഇതു സംബന്ധിച്ച വിവരങ്ങൾ അറിയാനാവും.
പുതിയ മെത്രാപ്പോലീത്തയെ തിരഞ്ഞെടുക്കുന്നത് വരെ 9 അംഗ കൗൺസിലിനാവും സഭയുടെ ഭരണ ചുമതലയെന്ന് വക്താവ് ഫാ. സിജോ പന്തംപള്ളി അറിയിച്ചു.
കബറടക്കം തിരുവല്ലയിലെ സഭാ ആസ്ഥാനത്ത്
